اسدالله زمری
د مُصیبت غوغا
هره تیــږه ده سکروټه، ټولو شګو نه خوږ لــــن جــــــــــوړ
هــــــره ونــه ده شناخته، ټــــولو پـــاڼو نه کفن جــــــــــوړ
د باران څاڅکي هم دلتـــه لکه تنــــدر راپـــــریـــــــــــوځی
ټوله ځمکه خو لا پریږده، دی آسمان ورته دښـــــــــمن جوړ
د هر بوټی په رګو کی د شهید ویــــــنــــــه بهــــیــــــــــږی
په هیڅ ځای به پیدا نه شی د ژوندی - مړی بدن جــــــــــوړ
یوه لویشته خاوره نشته چی خالی بــه وی له خلــــــــــــــکو
پـــه هر ګام کې یو څوک ښخ دی، قبر هر چاته مأمـــن جوړ
د ټوپکو تورو خولو کې، د قیامت د شپـــیلی غــــــــــــږ دی
پری هر څه زیر او زبر شول، کنډوالو کړ دا وطن جــــــوړ
مصیبت دی چې غوغا کړی د افغان ولس په ځمــــــــــــــکه
جنګ، سیلاب او زلزلو کړ له دې ملک ځنی مدفن جـــــــوړ
توجه!
کاپی و نقل مطالب از «اصالت» صرف با ذکر منبع و نام «اصالت» مجاز است
کلیه ی حقوق بر اساس قوانین کپی رایت محفوظ و متعلق به «اصالت» می باشد
Copyright©2006Esalat