د پتنګ په وزرونو

دوشنبه، ۲۸ جنوری ۲۰۱۳

اسدالله زمری

د پتنګ په وزرونو

                   ګلانه ستا د وصال ده، د چمن په لوري ځمه

                                               تصور کې ستا د زلفو، د ختن په لوري ځمه

                   له هر تاره د ویښتو دې، کاږم ښکلي مخ ته لاره

                                               زه له دې پل صراته، د عدن په لوري ځمه

                   ما شریکه کړله ژبه، له بلبل سره د چیغو

                                               د پتنګ په وزرونو، د دیدن په لوري ځمه

                   په میدان د سربازۍ کې، د میینو بزم تود دی

                                               د مجنون مخکې روان یم د کوهکن په لوري ځمه

                   نن د هیلو په ګلونو د، دلدار ښکالو لګیږي

                                               غوړیدلی پسرلی شوم، د ګلشن په لوري ځمه

                   د وفا تاج مې په سر ده، د تهمت لرم لښکرې

                                               زه د عشق د ملک پاچا یم د وطن په لوري ځمه

۲۰۰۷/۲/۱۲

۱۲۳

توجه!

کاپی و نقل مطالب از «اصالت» صرف با ذکر منبع و نام «اصالت» مجاز است

کلیه ی حقوق بر اساس قوانین کپی رایت محفوظ و متعلق به «اصالت» می باشد